သူများထက်ထင်ပေါ်စေနိုင်မယ့် သင့်အလှအတွက် လျို့ဝှက်ချက် လေးမျိုး

၁။ပန်းနုသွေးရောင် မျက်နှာလေးပိုင်ဆိုင်ဖို့

ပန်းနုရောင်မျက်နှာအသားအရေဖြစ်ဖို့ အောက်ပါပစ္စည်းတွေ လိုပါတယ်။ အဆိုပါ ပစ္စည်းတွေကို ရောစပ်ပြီး မျက်နှာပေါ်မှာ သုတ်လိမ်းထားရမှာ ဖြစ်ပါတယ်။

လိုအပ်ပစ္စည်းများ

(၁) အသင့်ကျိတ်ပြီးသား သခွားသီး

(၂)ရှောက်ရည်- ခွက် လေးပုံတပုံ

(၃) နွားနို့- လက်ဖက်စားဇွန်း ၅-ဇွန်း

(၄) ပျားရည် - (၅)ဇွန်း

(၅) ဂျုံနည်းနည်း

ပါးပြင်လေးရဲနေဖို့ အထက်ပါပစ္စည်း(၅)မျိုးကို သေချာရောစပ်ပြီး ခွက်တခုထဲထည့်ပါ။ ရေခဲသေတ္တာထဲ ၆နာရီလောက် ထည့်ထားပါ။ ပြီးရင် မျကိနှာမှာ စတင်သုံးလို့ရပါတယ်။ လိမ်းတဲ့အခါ မျက်နှာတပြင်လုံးမှာ လိမ်းပြီး ခပ်ဖွဖွနှိပ်ပေးပါ။ပြီးရင် ၁၅မိနစ်ခန့် ထားပါ။ တချို့က သန့်စင်တဲ့အဝတ်ပါးတခု အုပ်ခိုင်းတယ်။ အရေပြား စုပ်ယူမှုအားကောင်းစေဖို့ ဖြစ်ပါတယ်။ အထကိပါအတိုင်း အနည်းဆုံး နှစ်ပတ်ခန့်လုပ်ပါ။ မကြာခင်မှာပဲ ပန်းနုရောင်သန်းတဲ့ ကိုရီးယားဆန်ဆန် မျက်နှာလေးတခုကို ပိုင်ဆိုင်နိုင်မှာ ဖြစ်ပါတယ်။

၂။

နှာတံလေးစင်းနေအောင် လုပ်နည်း

လူတယောက်သွင်ပြင်မှာ နှာခေါင်းနဲ့နှာတံပုံစံကလည်း အရေးကြီးတယ်။ နှာတံလေးစင်းနေတဲ့သူက ကြည့်ကောင်းတတ်တယ်။ အနောက်တိုင်းသူတွေရဲ့အလှ နှာတံစင်းတာလည်းပါမယ်။ အာဖရိကနဲ့ အာရှနွယ်ဝင်အချို့က နှာခေါင်းပြားတယ်။ ဒါ့ကြောင့် ကြည့်မကောင်းဘူး။ ဒီတော့ နှာတံလေး ဖြောင့်စင်းအောင် ဘယ်လိုလုပ်မလဲ။ လုပ်ရမယ့် လေ့ကျင့်ခန်းကို အောက်မှာဖော်ပြပေးလိုက်ပါတယ်။

(ပထမအဆင့်)မျက်နှာကို အရင်ဆုံးပြုံးထားပါ။ စိတ်ကိုကြည်လင်နေပါစေ။ မေးရိုးနဲ့ ပါးစပ်ပေါက်ကို အောက်ဆွဲချပြီး ပါးစပ်ကို စုထားပါ။ နှာတံကကျဉ်းပြီး စင်းနေတယ်လို့ မိမိကိုယ်ကို သဘောထားလိုက်ပါ။လက်ညှိုးသုံးပြီး နှာနုထိပ်ဖျားကနေ အထက်တွန်းတင်ပါ။ ကျန်တဲ့လက်ညှိုးနဲ့ လက်မကို သုံးပြီး နှာဖျားကို အောက်ဖိထားပါ။ တခါလုပ် အကြိမ်သုံးဆယ်၊ တနေ့(၂)ကြိမ် လုပ်သင့်တယ်။

(ဒုတိယအဆင့်)
လက်ညှိုးတချောင်းဆီကို နှာခေါင်း တဖက်တချက်စီ တင်ထားပါ။ ပြီးရင် နှာခေါင်းပေါက်ကို လက်ညှိုးနဲ့ တချက်ချင်းဆီဖိပြီး ထိပေးပါ။ (၁၀)ကြိမ်လုပ် ပြီးရင် လက်ညှိုးနှစ်ချောင်းကို တြိဂံပုံထိပြီး နှာခေါင်းရိုးပေါ်တင်ပါ။ အောက်ကို (၁၀)ကြိမ်ခန့် ဖိဆွဲပါ။ ဒီနည်းက နှာခေါင်းပွသူတွေအတွက် အဆင်ပြေတဲ့နည်းဖြစ်တယ်။

(တတိယအဆင့်)
လက်ညှိုးနဲ့လက်မကို သုံးပြီး နှာရိုးနုအပေါ် တင်ထားပါ။ ပြီးရင် ဖိအားနည်းနည်းနဲ့ ညှစ်ပြီး အောက်ဆွဲချပါ။ လက်ညှိုးနဲ့လက်မသုံးပြီး နှာတံ အောက်ခြေကနေပွတ်ပြီး အထက်ကိုပြန်ဆွဲပါ။ ပြီးရင် လက်ခလယ်သုံးပြီး နှာတံကို အပေါ်ကနေ အောက်ဖက် ပြန်ဆွဲချပါ။းတရက်ကို အကြိမ်(၅၀)လုပ်ပါ။ နှာခေါင်းရိုးတဖက်တချက်ကို လက်ညှိုးနဲ့ စက်ဝိုင်းပုံဖိပြီး နှိပ်ပေးတာလည်း ကောင်းတယ်။ ဒီလေ့ကျင့်ခန်းက နှာတံဘေးမှာ ရှိတဲ့ မျက်နှာအရေးအကြောင်းတွေကို သက်သာစေတယ်။

(စတုတ္ထအဆင့်)
နှာတံအတွက် အသက်ရှုနည်းတခုရှိပါတယ်။ နှာခေါင်းတဖက်က်ို ပိတ်ပြီး တခြားနှာခေါင်းပေါက်နဲ့ အသက်ရှုသွင်းပါ။ (၄)စက္ကန့်ကြာပါစေ။ ပြီးရင် ကျန်နှာခေါင်းပေါက်တဖက်ကို ပိတ်ပြီး စောစောကပိတ်တဲ့ဖက်ကိုဖွင့်ပါ။ (၈)စက္ကန့်ကြာ ရှုထုတ်ပါ။ ဒီနည်းအတိုင်း တရက်ကို ၅မိနစ်ကြာအောင် ညစဉ်လုပ်ပါ။

(ပဉ္စမအဆင့်)
ပါးစပ်ကို "O" အို-ပုံစံ လုပ်ပြီး မျက်လုံးကို မှိတ်ပြီး အထက်က်ို ကြည့်ပါ။ရင်ဘတ်ကို မောက်ပြီး ခေါင်းကို နောက်လှန်ချပါ။ ဒီနည်းက မျက်နှာကြွက်သားအားလုံးကို တင်းရင်းစေပြီး နှာတံသာမက မျက်နှာမေးရိုးကိုပါ သွယ်လျစေပါတယ်။ 

 

၃။
နှုတ်ခမ်းလွှာလေး ရဲဖောက်နေအောင်

မိန်းကလေးတယောက်ရဲ့အလှအပမှာ နှုတ်ခမ်းလွှာလေးတွေက သိပ်အရေးပါတယ်။ နှုတ်ခမ်းလွှာ ရဲဖောက်နေသူတယောက်ဟာ သာမန်ထက် ပိုပေါ်လွင်လေ့ရှိတာ သတိပြုမိလိမ့်မယ်။ အခု နှုတ်ခမ်းနီမသုံးပဲ သဘာဝအတိုင်း နှုတ်ခမ်းလေး ရဲလာအောင်လုပ်တဲ့နည်းကို ဖော်ပြပါမယ်။ နှုတ်ခမ်းရဲဖို့ အရင်ဆုံး အပေါ်ယံ ခပ်မဲမဲဖြစ်နေတဲ့ ဆဲလ်သေတွေကို ခွာပေးဖို့လိုပါတယ်။ ဆဲလ်သေဖယ်ရှားဖို့ဆိုရင် scrub တမျိုးမျိုး သုံးရတယ်။ နှုတ်ခမ်းအရေပြားသဘော ပါးတာမို့ သာမန်အပြင်းစား scrub တွေထက်စာရင် ခပ်ပျော့ပျော့ဖြစ်တဲ့ sugar scrub လိုမျိုး အသုံးပြုရတယ်။ sugar scrub လုပ်နည်း အရင်က ဖော်ပြဖူးပါတယ်။ လုပ်နည်းက သိပ်မခက်ပါ။

sugar scrub လုပ်ဖို့ သကြားတဇွန်းနဲ့ပျားရည်တဇွန်း ဆတူရောစပ်ပါ။ အစိုဓာတ်အားဖြည့်ဖို့ သံလွင်ဆီခပ်ပါးပါးထည့်ပေးနိုင်ရင် ပိုကောင်းပါတယ်။ရလာတဲ့ အရောကို နှုတ်ခမ်းပေါ် စက်ဝိုင်းပုံ လိမ်းပေးပါ။ သုံးမိနစ်ခန့်လိမ်းပြီး ရေဆေးပါ။ ပြီးရင် ပြန်လိမ်းပါ။ အထက်ပါအတိုင်း သုံးကြိမ်ခန့်ပြုလုပ်ပေးပါ။ မကြာခင် အပေါ်မှာရှိနေတဲ့ ဆဲလ်သေတွေ ကွာကျသွားပါလိမ့်မယ်။

အပေါ်ယံဆဲလ်လွှာ ကွာကျသွားပြီးတဲ့ နှုတ်ခမ်းလေး ရဲဖောက်လာအောင် ဆက်လုပ်ရတယ်။ အောက်ပါနည်းနှစ်မျိုးအနက် တမျိုးမျိုးနဲ့ ပြုလုပ်နိုင်တယ်။
• ပထမနည်းက သစ်ဂျပိုးခေါက်မှုန့် လက်ဖက်ရည်ဇွန်း လေးပုံတပုံခန့်ယူပြီး သံလွင်ဆီ နဲ့ရောပြီး paste ဖြစ်အောင် လုပ်ပါ။ ရလာတဲ့ pasteကို နှုတ်ခမ်းပေါ်လိမ်းပါ။ ငါးမိနစ်ခန့်ထားပြီး ရေနဲ့ဆေးချပါ။
• ဒုတိယနည်းက ပိုလွယ်တယ်။ ဂျင်းကို အပြားလိုက်စိတ်ပြီး နှုတ်ခမ်းလွှာကို ငါးမိနစ်ခန့် အသာပွတ်ပေးပါ။ ပြီးရင် ကြက်သီးနွေးရေနဲ့ ဆေးချပါ။ မိမိနှစ်သက်ရာ နည်းတမျိုးကိုပဲ သုံးပါ။

အားလုံးလုပ်ပြီးတဲ့အခါ နှုတ်ခမ်းလွှာလေးနှစ်ခု စိုရွှန်းလာအောင် ရေဓာတ်အားဖြည့်ဖို့ လိုအပ်ပါတယ် နှုတ်ခမ်းအဆီ တမျိုး လိမ်းပေးရတယ်။ ဒီနေရာမှာ lip balm လေးတွေက သိပ်အသုံးဝင်တယ်။ အိမ်မှာတင် အလွယ်လုပ်လို့ရတဲ့ သဘာဝ lip balm လုပ်နည်းကို ဖော်ပြပါမယ်။ အရင်ဆုံး ဖျားဖယောင်း ထမင်းစားဇွန်း(၁)ဇွန်းစာခန့် ယူပြီး အပူပေးပါ။ ပြီးရင် အုန်းဆီ (၃)ဇွန်းနဲ့ ရောစပ်ပါ။ အထဲကို မိမိနှစ်သက်ရာအဆီတမျိုးမျိုး နည်းနည်း ထပ်ထည့်ပါ။ တချို့က ပင်စိမ်းဆီကို ညွှန်းတယ်။ရလာတဲ့အရောကို သန့်စင်တဲ့ ပုလင်းတခုထဲထည့်ပြီး ခဲသွားအောင် ထားပါ။ မကြာခင် lip balm အဆီလေးရလာပါလိမ့်မယ်။ ရလာတဲ့ အဆီကို မိမိနှုတ်ခမ်းပေါ် ညစဉ်ခပ်ပါးပါး လိမ်းပေးပါ။ တစ်လအတွင်း ရွှန်းလဲ့တောက်ပပြီး ဖူးရွနေတဲ့ နှင်းဆီရောင် နှုတ်ခမ်းလေးတွေ ပိုင်ဆိုင်နိုင်မှာဖြစ်ပါတယ်။

၎။
မျက်လုံးလေး ကြည်လင်ဝိုင်းစက်နေအောင်

မျက်လုံးပုံစံတွေ တယောက်နဲ့တယောက်မတူညီကြပါ။ မျက်ပေါက် အကျဉ်းအကျယ်ပေါ်မူတည်ပြီး မျက်လုံးပုံစံတွေ ကွဲပြားသွားတယ်။ အပေါ်မျက်ခွံနဲ့ အောက်မျက်ခွံ အကွာအဝေးပေါ်မူတည်ပြီး မျက်ပေါက်၊ မျက်လုံးအကျဉ်းအကျယ် ကွဲပြားသွားပါတယ်။ မျက်စိမှာ အပေါ်မျက်ခွံက ပြောင်းလဲလို့ မရပါ။ တကယ်ပြောင်းလဲလို့ရတာက အောက်မျက်ခွံသာဖြစ်တယ်။ အောက်မျက်ခွံကျယ်လာရင် မျက်လုံးလေး အလိုလိုဝိုင်းစက်လာနိုင်တယ်။ ဒါကသီအိုရီပါ။

မျက်လုံးလေးတွေ ဝိုင်းစက်လာအောင် ဘယ်လိုလုပ်မလဲ။
မျက်အိတ်လျှော့တွဲနေတာကို ပြောင်းလဲနိုင်ရင် အောက်မျက်ခွံက တင်းရင်းလာပြီး မျက်လုံး မျက်ဆံနေရာက ပိုမိုသိသာလာနိုင်တယ်။ တနည်းအားဖြင့် ဝိုင်းစက်စက် မျက်လုံးလေးတွေ ဖြစ်လာနိုင်တယ်။ ပြုလုပ်နည်းကသိပ်မခက်ပါ။အရင်ဆုံး ကြက်ဥနှစ်လုံးယူပါ။ ကြက်ဥကို အကုန်မယူပဲ ဘေးအကာ(အဖြူနှစ်)ကိုပဲ ယူပြီး သမအောင် ခလောက်ပါ။ ပြီးရင် witch hazel(သစ်ပင်တမျိုး)အဆီကို (၃)စက်ခန့်ထည့်ပါ။ witch hazel မရှိရင် ဗာဒံဆီကိုလည်း ပြောင်းလဲထည့်သွင်းအသုံးပြုနိုင်တယ်။ အဆိုပါအရောကို မျက်ခွံမှာ စက်ဝိုင်းပုံ လိမ်းပြီး ညလုံးပေါက်ထား အိပ်ပါ။ မနက်ရောက်ရင် မျက်နှာသစ်ပါ။ ဒီနည်းက မျက်အိတ်ဖောင်းတာ လျှော့ပါးသက်သာစေမယ့်အပြင် ကိုရီးယားဆန်ဆန် ချစ်ဖွယ်ကောင်းတဲ့ မျက်လုံး လှလှလေးတွေ ပိုင်ဆိုင်နိုင်မှာဖြစ်ပါတယ်။

ဒေါက်တာ အေးမင်းထူး