Cervicitis သားအိမ်ဝရောင်ခြင်း ပြဿနာ

ဆရာမင်္ဂလာပါရှင့်။ ကျွန်မအသက်က ၂၉ နှစ် အပျိုပါ။ ရာသီလာတိုင်း အမြဲလိုလို ပထမရက်တွေမှာ ခါးကိုက်တယ်။ ဆီးစပ်ကနာတယ်။ မီးယပ်အဖြူလဲ အမြဲလိုလိုနည်းနည်းဆင်းလိုက် များများ ဆင်းလိုက်ဖြစ်နေပါတယ်။ ဘာဆေး သောက်ရမလဲပြောပြပေးပါ။ ဖီလီမောသားအိမ်ဆေးအကြောင်းလဲသိချင်ပါတယ်။ ကျေးဇူးတင်ပါတယ်။

ရာသီလာချိန်ကိုက်တာ အများအားဖြင့် ရောဂါမဟုတ်ပါ။ အနာအကိုက်သက်သာဆေး တခုခု ဥပမာ Ibuprofen 200 mg သောက်နိုင်တယ်။ ရေနွေးအိတ်ကပ်ပေးနိုင်တယ်။ အဖြူဆင်းတာက ရာသီလာတာနဲ့ ဆက်စပ်ရင်လည်း ဆေးမလိုပါ။ အပျို (အတွေ့အကြုံမရှိသူ) ဆေးမလိုပါ။ ဖီလီမောကထုတ်တာမှန်သမျှ အားလုံးဟာ ကြော်ငြာဆေးသာဖြစ်တယ်။ ထိရောက်မှု နဲ့ ဘေးထွက်ဆိုးကျိုး ဆေးသုတေသနမရှိပါ။

ဟုတ်ကျေးဇူးတင်ပါတယ်ဆရာ။ ဒါပေမဲ့ OG ပြကြည့်တော့ တခါမှလဲလိင်မဆက်ဆံဖူးပဲ ရောဂါလက္ခဏကပြနေတော့ သားအိမ်ထဲပစ္စည်းထည့်ကြည့် ဘိုင်အော့ပ်စီစစ်တော့ သားအိမ်ခေါင်းရောင်တာတဲ့။ ကျွန်မလဲ အတော်စိတ်ဆင်းရဲပါတယ်။ တခါမှမဆက်ဆံဖူးပါဘူး။ ဘာလို့ အာ့လိုရောဂါဖြစ်လဲသိချင်ပါတယ်။ OG on တဲ့ဆေးလဲ တပါတ်စာပဲသောက်ဖြစ်တယ်။ နောက်ပြဖို့ကြတော့ ရှက်တာရော အလုပ်ကမအားတာရောနဲ့ ထပ်မပြဖြစ်တော့ပါဘူး။ ဆရာဆေးညွှန်လို့ရရင် ညွှန်ပေးပါ။ ကျေးဇူးတင်ပါတယ်ရှင်။

သားအိမ်အဝရောင်တဲ့ရောဂါ အဖြစ်များတယ်။ အမျိုးသမီးတဝက်လောက် တသက်မှာတခါ ဖြစ်တတ်ကြတယ်။ ဖြစ်နေမှန်း မသိကြတာလဲ မနည်းဘူး။ (ဗဂျိုင်းနား) ရောင်ရာကနေလဲ ဆက်ဖြစ်လာနိုင်တယ်။ အသက်ငယ်ငယ်နဲ့ ဖို-မဆက်ဆံတာ၊ လိင်ဆက်ဆံနည်းဆန်းပြားတာ၊ (ကွန်ဒွမ်) မပါဘဲ ဆက်ဆံတာ၊ အရင်က လိင်ကတဆင့်ကူးစက်ရောဂါ ဖြစ်ဘူးတာ၊ လိင်ဆက်ဆံဘက် အဖေါ်များတာတွေက ဒီရောဂါပိုဖြစ်စေပါတယ်။

ကူးစက်ပိုးမဝင်ပဲလည်းဖြစ်နိုင်တယ်။ အလာဂျီခေါ် မတည့်တာကနေဆက်ဖြစ်တယ်။ အလှအပသုံးပစ္စည်းတွေ၊ ဆေးကြောရည်တွေ။ အမွှေးအကြိုင်တွေ။ နောက်ပြီး ရောဂါတခုခုကြောင့် ဗက်တီးရီးယားဆေးသောက်ရင် ဗဂျိုင်းနားထဲမှာ ပုံမှန်ရှိနေတဲ့ဗက်တီးရီးယားတွေအခြေအနေပြောင်းရာကနေလည်းဖြစ်နိုင်တယ်။

အရင်ဆုံးသိလာမဲ့လက္ခဏာကတော့ မွေးလမ်းကြောင်းကနေ တခုခုဆင်းတာဖြစ်တယ်။ အဖြူရောင်၊ အဝါရောင်၊ မီးခိုးရောင်၊ အစိမ်းရောင်တွေ ဆင်းနိုင်တယ်။ ရာသီဆင်းအပြီး ပိုသိသာတယ်။ ယားမယ်၊ အနေရခက်မယ်၊ ဆက်ဆံရင် မနာသင့်ပဲနာမယ်၊ ကြားရက်ဖြစ်ဖြစ်၊ ဆက်ဆံနေတုံးဖြစ်ဖြစ် သွေးဆင်းမယ်၊ ဆီးပူ-ဆီးအောင့်မယ်၊ ခါးဖြစ်ဖြစ် ဆီးစပ်ဖြစ်ဖြစ် နာမယ်။ ဆိုးတဲ့အဆင့်ဖြစ်လာရင် အနံ့ဆိုးဝါးတာတွေဆင်းမယ်။ ဒိနောက် ကိုယ်ပူလာမယ်၊ ပျို့ခြင်လာမယ်။

ရောဂါလို့ သံသယနဲ့လာသူကို ရောဂါရာဇဝင်မေးတယ်။ ခံစားနေရာတာအပြင် လိင်ဆက်ဆံရေး၊ အိမ်ထောင်ရေးမေးမယ်။ မွေးလမ်းစစ်ဆေးမယ်။ မွေးလမ်းကဆင်းနေတာကို ရယူစစ်ဆေးမယ်။ သားအိမ်အဝကင်ဆာ ဟုတ်-မဟုတ်ကို Pap smear test နည်းနဲ့ သိနိုင်တယ်။

လိင်ကတဆင့် ကူးစက်ရောဂါတွေထဲက ဂနိုရီးယား၊ (ကလာမိုင်ဒီယား)၊ (ထရွိုင်ကိုမိုးနပ်စ်)၊ (အိတ်ခ်ျအိုင်ဗွီ)၊ လိင်လမ်း ရေယုံတွေကနေ ဖြစ်လာစေနိုင်တယ်။ လိင်လမ်း-ကြွက်နို့ကနေ အဲလို ဖြစ်လာနိုင်တယ်လို့ဆိုပေမဲ့ သက်သေ မရှိဘူးလို့ ဆိုတာလည်းရှိပါတယ်။

ရောဂါပိုးမဟုတ်ပေမဲ့ မွေးလမ်းကြောင်းသုံး သန့်ရှင်းရေးဆေးရည်တွေ၊ (တကိုယ်ရေသန့်ရှင်းရေးလုပ်နည်းစာဖတ်ပြီး လိုက်နာပါ။) ရာသီလာတုံးသုံးတဲ့ ပစ္စည်းတွေ၊ ကိုယ်ဝန်တား ပစ္စည်း-ဆေးတွေ၊ သုတ်ပိုးသတ်ဆေး၊ (ကွန်ဒွမ်) တွေနဲ့ မတည့်သူတွေမှာလဲ ပိုးဝင်တာ ပိုလွယ်စေတယ်။ စစ်ဆေးရာမှာသုံးတဲ့ ခွဲစိတ်ကရိယာတွေကနေလဲ ပိုးမသန့်ရင် ဖြစ်နိုင်တယ်။ ဗဂျိုင်းနားထဲမှာနေတဲ့ ဗက်တီးရီးယားတွေ ပုံမှန်မဟုတ်ရာကနေလည်း ဖြစ်စေနိုင်တယ်။ ဥပမာ ပိုးသေဆေး။ ပိုးသေဆေးတွေကို မလိုအပ်ပဲမသောက်ပါနဲ့။ တချို့မှာ ဘာလို့ဖြစ်သလဲ ရှာမတွေ့တတ်ပါ။

၁။ (ကလာမိုင်ဒီးယား) ပိုးက (ဂနိုးရီးယား) ပိုးထက်ပိုပြီး အဖြစ်များတယ်။
(ကလာမိုင်ဒီးယား) ကို ကုသရတာ မခက်ပါ။
• Azithromycin 1 gm တခါတည်းသောက်ပါ။ ဒါမှမဟုတ်
• Azithromycin 500mg ပဌမနေ့၊ 250mg တနေ့တကြိမ်နဲ့ နောက်ထပ် ၃ ရက်၊ ဒါမှမဟုတ်
• Doxycycline 100 mg တနေ့ ၂ ကြိမ်၊ ၇-၁၄ ရက်သောက်ပါ။
• HIV-positive ဖြစ်နေသူတွေလဲ အတူတူပေးနိုင်တယ်။
• Tetracycline 250-500 mg တနေ့ ၄ ကြိမ်၊ ၁၄ ရက်၊ Rosaramicin ဆေးတွေကို 95% ပျောက်မယ်။
• Erythromycin 250-500-800 mg တနေ့ ၄ ကြိမ်၊ ၇ ရက်။ ဆေးပေးတာ ၇၇-၁ဝဝ% ပျောက်တယ်။
• Ofloxacin, Trovafloxacin, Minocycline, Lymecycline, Clarithromycin, Ampicillin, Rifampicin ဆေးတွေ ပေးတာကို တိကျတဲ့အထောက်အထား မရှိသေးဘူး။
• Ciprofloxacin ပေးတာ ၆၃-၉၂% ပျောက်တယ်လို့ သုတေသနတခုကတွေ့ပြီး နောက်တခုက မတွေ့ရဘူး။
• ကိုယ်ဝန်ဆောင်ကို Azithromycin တခါတည်းပေးတာက ၇ ရက်ပေးတာထက် ပိုကောင်းတယ်။
• ဆေးသောက်နေတုံးမှာ အတူနေတာကို တပါတ်ရှောင်နေသင့်ကြတယ်။

၂။ နည်းနည်းပါးပါး ဖြစ်တတ်တဲ့ (HSV) ရေယုံ နဲ့ (ထရွိုင်ကိုမိုးနပ်စ်) ပိုးတွေကနေ သားအိမ်အဝရဲ့ အပေါ်ယံလွှာကို ထိခိုက်စေတယ်။ မွေးလမ်းရေယုံဆိုရင် Acyclovir (Zovirax) ဆေးပေးမယ်။

၃။ Mycoplasma genitalium, Streptococci (A and B) (ဗက်တီးရီးယား) တွေကလဲ ဖြစ်စေတယ်။ ပိုးသေဆေးတွေကနိုင်တယ်။ ဥပမာ Amoxicillin အမောက်ဆာစလင် 250-500 mg တနေ့ ၂-၃ ကြိမ်။ (သို့) 500 mg တနေ့ ၂ ကြိမ် (သို့) 750 mg တနေ့ ၂ ကြိမ်၊ ကလေး = 125-250 mg တနေ့ ၃ ကြိမ် ၁ဝ-၁၄ ရက်။ ကလေး = 20-40 mg/kg/day တနေ့ ၃ ကြိမ်။

၎။ Cytomegalovirus (ဗိုင်းရပ်စ်) ကြောင့်ဖြစ်ရင် လက္ခဏာမပြတာ များတယ်။

ပိုးသေဆေးတွေက အတော်နိုင်ပါတယ်။ လိင်ကတဆင့် ကူးစက်ရောဂါတွေဆိုရင် ဆိုင်ရာ-နိုင်ရာဆေးတွေ ပေးရမယ်။ စိတ်ချရတဲ့ လိင်ဆံမှုပြုပါ။ ကိုယ့်အဖေါ်ကိုယ်သိပါ။ အဖေါ်များတာ မကောင်းပါ။ ရောဂါပိုးက မွေးလမ်းမှာ ရောဂါစကတည်းက သားအိမ်အထိမရောက်ခင် ဆေးကုပါ။

ဘာမှမခံစားရလို့ မကုဘဲနေရင် ကြာတော့ -
၁။ PID ခေါ် တင်ပဆုံတွင်းအင်္ဂါတွေ ရောင်တာ ဆက်ဖြစ်လာနိုင်တယ်။
၂။ ကလေးမရ ဖြစ်နိုင်တယ်။
၃။ သားအိမ်ပြင်ပ သန္ဓေတည်နိုင်တယ်။
၎။ ဆီးစပ်နေရာ တာရှည် နာနေတတ်တယ်။
၅။ သူ့အလိုလို ကိုယ်ဝန် ပျက်တတ်တယ်။
၆။ သားအိမ်အဝကင်ဆာ ဖြစ်နိုင်တယ်။
၇။ ကလေး စောမွေးနိုင်တယ်။
၈။ မွေးလာတဲ့ကလေး ပိုးဝင်နိုင်တယ်။ နူမိုးနီးယား၊ မျက်စိထိခိုက်တာတွေ ဖြစ်နိုင်တယ်။

သားအိမ်ဝဟာ သားအိမ်ကို ပိုးမဝင်အောင် တားထားသလိုလုပ်တာမို့ သူကရောင်နေရင် သားအိမ်ကိုပါ ရောင်စေနိုင်တယ်။ အထူးသဖြင့် လိင်ကတဆင့်ကူးစက်ရောဂါပိုးတွေဖြစ်တယ်။ PID ခေါ် တင်ပါးဆုံတွင်းအင်္ဂါတွေရောင်စေနိုင်တယ်။ အဲလိုကနေ HIV ဝင်လာမှာလည်းသတိပြုရမယ်။

နာတာရှည်သားအိမ်ဝရောင်ခြင်း
စောစောကဖြစ်ခဲ့တာကို ကုသမှုမလုပ်ရင် နာတာရှည်သားအိမ်ဝရောင်ခြင်းဖြစ်လာနိုင်တယ်။ နောက်ဆက်တွဲ သက်ရောက်မှုတွေရှိလာနိုင်တယ်။ သားအိမ်ဝကိုစစ်ကြည့်ရင် နီနေမယ်။ အနာလိုလည်း မြင်နိုင်တယ်။ တခုခုဆင်းနေမယ်။ ယားယံနိုင်တယ်။ အတူနေတာ မနာသင့်ဘဲ နာနိုင်တယ်။ နာတာရှည်သားအိမ်ဝရောင်ကို ကလေးမွေးဖူးသူတွေမှာ ဖြစ်တယ်။ အရွယ်မရေးတော့ဖြစ်နိုင်ပေမယ့် အသက်ရသူတွေမှာ ပိုဖြစ်တယ်။ မွေးလမ်းကို ဆေးရည်ဖြန်းဆေးသူတွေ ပိုဖြစ်နိုင်တယ်။ လိင်ကတဆင့်ကူးစက်ရောဂါရသူတွေ ပိုဖြစ်တယ်။ ဗဂျိုင်းသုံး တားဆေးသုံးသူ ပိုဖြစ်တယ်။ အတူနေဖေးများသူတွေနဲ့ အကာကွယ်မဲ့ဆက်ဆံသူတွေ ပိုဖြစ်တယ်။

နောက်ဆက်တွဲ ဆက်ဖြစ်နိုင်တာတွေရှိတယ်။ ကူးစက်မှုက ဘေးပြန့်သွားမယ်။ တင်ပါးဆုံတွင်းအင်္ဂါတွေရောင်ခြင်း ဖြစ်မယ်။ ကလေးမရဖြစ်မယ်။ သားအိမ်ပြင်ပသန္ဓေတည်တာဖြစ်နိုင်တယ်။ ကိုယ်ဝန်ပျက်နိုင်တယ်။ HIV အပါအဝင် လိင်ကတဆင့်ရောဂါပိုး ဝင်တာ ပိုဖြစ်နိုင်တယ်။

ဘာကနေဖြစ်စေလဲကိုကြည့်ပြီး ကုသရပါမယ်။ ခံစားနေရတာတွေကိုလည်းကုပေးမယ်။ နာတာ၊ ယားတာ။ ပိုးသေဆေး ပေးမယ်။ ခွဲစိတ်တာလိုရင် လုပ်ရတယ်။ ကုရင် အလားအလာကောင်းပါတယ်။ ပြန်ဖြစ်တတ်တယ်။ ဆောရီး။

Dr. တင့်ဆွေ