အိမ္ေထာင္ျပဳတာဟာ ရွက္စရာမဟုတ္သလို ကိုယ္၀န္ေဆာင္ရတာဟာလဲ ေရာဂါရတာမဟုတ္ဘူး
Khin Thander
akhamaet.com
မိန်းမ တစ်ယောက် အိမ်ထောင်ပြုတာ (ယောကျာ်း ယူတာ)ဟာ ဘဝတစ်ခု သေပစ်လိုက်ဖို ့ မဟုတ်ပါဘူး။ချစ်လို ့ယူယူ ၊ ယူသင့်တယ် ထင်လို ့ယူယူ ယခင်အခြေအနေထက် ပိုမို ကောင်းမွန်တဲ့ ဘဝတစ်ခု ကို နှစ်ယောက်အတူ တည်ဆောက်ဖို ့ ့ပဲ ဖြစ်သင့်တာ။ယောကျာ်းယူ လိုက်တာနဲ ့ငါ့ဘဝ တစ်ခုလုံး ပြည့်စုံလုံလောက်သွားပြီ ၊ ငါ့ ယောကျာ်းက အကုန်တာဝန်ယူ လုပ်ပေးမှာ လို ့ ခပ်ည့ံည့ံတွေးမိတဲ့ မိန်းမ တွေကတော့ တစ်နှစ်လောက် အကြာမှာ (ကိုယ့် ဉာဏ်ရည် အရ ဒီထက်လည်း စောသိသွားနိုင်ပါတယ်)မဟုတ်မှန်း သိကြရပါမယ်။လုံးဝ သိ မသွားတဲ့ မိန်းမတွေလည်း ရှိနေနိုင်ပါတယ်။လက်ရှိ လုပ်နေတဲ့ ကိုယ့် အလုပ်ကို ဆက်မလုပ်ချင်တော့ရင်တောင် အခြား အလုပ်တစ်ခုခု လုပ်နေရပါမယ်။ကိုယ်ပိုင် ဝင်ငွေ ဆိုတာ ရှိနေအောင် လို ့ပါ။မိန်းမ တစ်ယောက် ကိုယ်ဝန်ဆောင်ရတာဟာ ရောဂါ ရတာ မဟုတ်ပါဘူး။ကလေးမွေးဖွား တယ် ဆိုတာလည်း အာဇာနည်မ တစ်ယောက်လို ကြီးကျယ်တဲ့ အလုပ် မဟုတ်ပါဘူး။ဒါပေမဲ့ ကိုယ်ဝန်ဆောင်တာ ၊ကလေးမွေးဖွား တာဟာ အရေးကြီးပြီး အရေးပါတဲ့ အလုပ်တစ်ခုပါ။မှီခိုလို ့ ကျေနပ်စွာ လက်ခံလိုက်တဲ့ မိန်းမ တွေဟာ ကိုယ်ဝန်ဆောင် နေချိန် မှာ အိမ်တွင်း အလှဆင်၊အိမ်မှုကိစ္စနဲ ့ ဟင်းချက်နည်း အနုပညာကို သင်ယူနေသင့်ပါတယ်။မယူခင်က ယောကျာ်း ချက်ကျွေး မှာလို ့ ခပ်တုံးတုံး ပြောတတ်တဲ့ မိန်းမတွေ တွေ ့ ့ဖူးပါတယ်။နှစ်ယောက်အတူ အလုပ် လုပ်နေလို ့ သူကော်ဖီဖျော် ကိုယ် ထမင်းဘူးထည့် လုပ်နေကြတဲ့ စုံတွဲတွေ အများကြီးပါ။တစ်ယောက် အလုပ် တစ်ယောက် ကူတာ ကျက်သရေရှိပါတယ်။ဘာ အလုပ်မှ လုပ်မနေတဲ့ မိန်းမ တစ်ယောက်ကို ဘယ်ယောကျာ်းကမှ (မည်သည့် ယောကျာ်းကမှ)အားအားယားယား နေ ့တိုင်း ဟင်းချက် ပေးမနေပါဘူး။ချက်ပေး နေတဲ့သူ ရှိရင်လည်း အဲ့ယောကျာ်းဟာ ဝင်ငွေ မရှာဘဲ နေသူဖြစ်ပါလိမ့်မယ်။ကိုယ်ဝန်ဆောင်နေစဉ် မိန်းမ များဟာ သာမာန်အချိန်ထက် ပိုဝမ်းနည်းလွယ်တတ် ပါတယ်။ သမီး မိန်းကလေးကို လွယ်ထားရ ရင် ပိုလို ့ ဝမ်းနည်းတတ် ကြပါ သေးတယ်။အဲ့လို အချိန်တွေမှာ အများနဲ ့ရောနှော အလုပ် လုပ်နေသင့်ပါတယ်။အလုပ် လုပ်နေတဲ့ မိန်းမ တွေမှာ ယုံကြည်မှု ပိုရှိနေကြပါတယ်။ကိုယ်က အကြီးအကဲ နေရာ တာဝန်ယူထား ရသူ မိန်းမ ဖြစ်နေရင် ဝမ်းနည်းမှု ဆိုတာတောင် မပေါ် တတ်ကြ တော့ပါဘူး။အိမ်ရှင်မ ပဲ လုပ်နေသူ မိန်းမတွေ ကတော့ ကိုယ်ဝန်ဆောင် ထားချိန်မှာ စာများများဖတ်ရပါမယ်။ကိုယ်တိုင် ကျန်းမာအောင် ဘယ်လို နေထိုင်စားသောက် ရမယ်။ကလေး မွေးဖွား ရ လွယ်ကူတဲ့ ကိုယ်ဝန်ဆောင် ကစားနည်းတွေ ကစားနေသင့်ပါတယ်။ကလေးငယ်ကို ကျန်းမာသန်စွမ်း ဉာဏ်ရည် မြင့်အောင် ဘယ်လို ပြုစု ပျိုးထောင် သင့်သလဲ ဆိုတဲ့ စာအုပ်တွေ ဖတ်နေ ဖို ့လိုအပ်သလို၊နှလုံးသားကို နူးည့ံအောင် ပြောဆို ဆုံးမ နိုင်ဖို ့ ရသ စာပေတွေ ။ဘာသာရေး အဆုံးအမ စာပေ တွေလည်း အမေလုပ်မဲ့သူက ဖတ်ထားနှင့် ရပါမယ်။ပြီးတော့ ကိုယ့် အိမ်တွင်းက ပေါ့ပေါ့ ပါးပါး ပစ္စည်းလေးတွေ နေရာ အပြောင်း အရွှေ ့လုပ်တာ။အိပ်ယာခင်းနဲ ့ ခန်းဆီးလိုက်ကာတွေ လျှော်ဖွတ်တာမျိုးတွေ လုပ်ပေးသင့် ပါတယ်။မိန်းမ ကိုယ်ဝန် ဆောင် နေစဉ် သေမင်းကို မျက်စောင်းထိုး ထားရတာလို ့ တင်စားပြောကြပါတယ်။ မီးဖွားစဉ်မှာလည်း သေမင်းနဲ ့ စစ်ခင်းရပါသတဲ့။အဲ့ဒါတွေကို ကျော်လွှားနိုင်ဖို ့အထက်က ဖော်ပြခဲ့တာတွေ ကို လုပ်ထားရပါမယ်။ကိုယ့် ကံကို ကိုယ့် ဉာဏ်ကပဲ ဖေးမ နိုင်ပါတယ်။ဘယ်ယောကျာ်းကမှ သေလောက်အောင် ချစ်တယ်ပြောပြော အဲ့ဒီ အချိန်မှာ အသက်ချင်း လာ လဲပေးလို ့ မရပါဘူး။ကိုယ်ဝန်ဆောင်ချိန် ကိုးလ၊ကလေး ပြုစုရချိန် အနည်းဆုံး နှစ်နှစ် ပေါင်း လိုက်ရင် မိန်းမ တစ်ယောက်ဟာ ကလေးတစ်ယောက် မွေးဖွားဖို ့ ့သုံးနှစ်လောက် အချိန်ပေးရပါတယ်။ဒီလို အချိန်တွေကို အလုပ် လုပ်နေရင်း ဖြတ်သန်းနေတဲ့ မိန်းမ တွေ အဖို ့ သိပ် မသိသာလှပေမဲ့ (ပင်ပန်းတာတော့ ရှိမှာပေါ့)ထိုင်ပြီး နေတဲ့ မိန်းမ တွေဆို ခေတ်ကို အဆက်ပြတ်သွားတတ်ကြပါတယ်။ကျွန်မ ပြောတဲ့ ခေတ်ဆိုတာ ပစ္စည်း အသုံးအဆောင်တွေ အဝတ်အစားတွေ မဟုတ်ပါဘူး။အလုပ် တစ်ခု ပြန်လုပ်မယ် ဆိုရင်၊ အတတ်ပညာ တစ်ခု လေ့လာသင်ယူမယ်ဆိုရင် အဆက်ပြတ် သွား ရင် ပြန်လိုက်ရတာ ခက်ခဲပါတယ်။ဒီကြားထဲ ကလေး နောက် တစ်ယောက် ထပ်ရသွားရင်တော့ အဲ့ဒီ မိန်းမ ဟာ အားလုံးကို လွှတ်ချ လိုက်မိပါတော့တယ်။မိန်းမ တွေဟာ(ကျွန်မ အပါအဝင်) ချစ်စိတ်ဝင်နေရင် အားလုံးကို တစ်ကယ်ထင်နေတော့တာပါ။ ယောကျာ်းတွေ မွှန်နေစဉ် ခဏ ပြောသမျှကို သံမှိုစွဲ မှတ်ထားတတ်ကြတာ။ထင်တာတွေ လွဲမှ ငိုရ ရယ်ရ မှန်း မသိ ဖြစ်တတ်ကြပါတယ်။ငိုတာ ထက်စာရင် ရယ်တာ ဒါမှ မဟုတ် အနည်းဆုံးတော့ ပြုံးနိုင်တာ အကောင်းဆုံးပေါ့။ မိန်းမတွေ ဘယ်သူ ့သမီး ဖြစ်ဖြစ်၊ဘယ်သူ ့ ့ ဇနီး ဖြစ်ဖြစ် ကိုယ်ပိုင် ဝင်ငွေနဲ ့ ကိုယ်ပိုင် အရည် အချင်းရှိနေရပါမယ်။ အနည်းဆုံးတော့ အိမ်ရှင်မ အရည်အချင်းပေါ့။ချစ်ပါ သေလောက်အောင် ချစ်ကြပါ။မျက်စိဖွင့်ပြီး အမှန်အတိုင်းတော့ မြင်အောင် လုပ်ထားကြပါလို ့တိုက်တွန်းချင်တာပါ။
Khin Thander
akhamaet.com
Labels: ႏွလံုးသားေရးရာ
posted by Unknown @ 2:56 AM
0 Comments
0 Comments:
Post a Comment
Subscribe to Post Comments [Atom]
<< Home